Тренерот на Севилја оствари животно достигнување: Вакво нешто немав видено

Севилја направи пресврт на „Рамон Санчес Писхуан“ и го победи Јувентус со 2:1 во продолженијата, триумф со кој се пласираше во седмото финале во Лигата на Европа.

Шпанскиот тим од Андалузија се претвори во специјалист за ова натпреварување, а тоа го докажа и во сезоната која изгледаше како загубена пред само два месеци.

Севилја промени двајца тренери оваа сезона (Лопетеги и Сампаоли), но ангажманот на Хосе Луис Мендилибар се покажа како полн погодок, без оглед на тоа што искусниот шпански стручњак досега предводеше мали екипи како Еибар, Алавес, Осасуна, Валјадолид и Леванте.

– Оваа победа и ова финале еп ремија за тренерите кои тренирале мали екипи во своите кариери. Јас бев навикнат да се борам за нешто друго. Оваа победа покажува дека има квалитетни тренери и кај оние кои се пониско.

– Со добар тим можете да направите големи нешта, ова е премија за тренерите кои во теорија трениравме мали екипи. Притискавме и успеавме да направиме пресврт. По нивниот гол, изгледаше дека се е завршено, но публиката ни даде ветер во грб. Атмосферата на стадионот беше фантастична, разговарав за тоа и со моите асистенти. Вакво нешто немав видено, – изјави Мендилибар по победата над Јуве.