Тренерот на ПСВ оптимист пред реваншот со Јувентус: Ова ќе биде целосно поинаков натпревар

ПСВ Ајндховен загуби на гостувањето кај Јувентус, но негативата од само еден гол остава простор за оптимизам во редовите на холандскиот состав.

Тренерот Петер Бош денеска го најавил реваншот од овој плејоф двомеч во Лигата на шампионите и најавил дека очекува многу поразличен дуел од тој во Торино.

– Сигурно ќе гледате различен натпревар во однос на тој во Торино, а нашиот императив е да победиме.

– Играме на својот стадион, ќе имаме поддршка од 35.000 навивачи, се надевам дека ќе им приредиме натпревар за паметење и историја.

– Јувентус е топ екипа, но и ние не сме во криза и никој не може да предвиди како ќе се движат работите во Лигата на шампионите. Посакувам утре со фановите заеднички да креираме историска европска ноќ, – рекол Бош.