Тренерот на Париз им фати сеир на „Гробарите“, па си „обезбеди“ пекол за гостувањето во Белград

Париз ја доби битката со Партизан во Евролигата и обезбеди важна победа против српскиот ривал, а домашниот тренер Тиаго Сплитер не пропушти да и фати сеир на големата група навивачи кои биле присутни во арената.

„Црно-белите“ играа како на домашен терен поради големата бројка фанови во Париз, но и тоа не им помогна да стигнат до посакуваниот резултат, а Сплитер решил да се пошегува со гостинските навивачи.

– Салата беше полна, Партизан имаше многу навивачи овде.

– Некои дојдоа и на краток одмор во Париз, но сега се враќаат дома со пораз, – рекол Сплитер.

Неговата реакција воопшто не им се допадна на српските фанови, па дефинитивно си обезбеди пекол за гостувањето на Париз во Белград.

Coach Splitter with a sassy message for Partizan fans who went to Paris 🫢 pic.twitter.com/9geZzdiBs6

— Eurohoops (@Eurohoopsnet) November 7, 2024