Тренерот на Мајорка со легендарна изјава за новиот јунак на Барса: Овој глушец е бесрамен! (Видео)

Хавиер Агире со години наназад се истакнува како најхаризматичен тренер во Ла Лига, а шоута кои знае да ги приреди на прес-конференциите се ненадминливи кога е шпанскиот фудбал во прашање.

Искусниот мексикански стратег пред извесно време ја однесе Мајорка во големото финале во Копа дел Реј и тогаш го прекина пресот за да изврши телефонски повик, но вчеравечер по мечот со Барса во Каталонија ги изнасмеа новинарите со споредбата која ја направи.

Неговиот тим загуби од Барса поради моментот на генијалност на Ламин Јамал, па додека даваше коментар за 16-годишниот суперталент на Барселона, Агире не пропушти да го спореди со Лео Меси.

– Меси имав можност да го видам уште кога беше во петлињата на Барселона. Го видов пет минути и ми беше доволно. Се пробиваше како глушец, не престануваше да дава голови.

– Ова дете исто изгледа како глушец кој е бесрамен. Премногу е млад, но тука работат многу добро со младите играчи и ако продолжи вака, сигурен сум дека ќе донесе голема радост за Барселона, – изјави Агире.

🤣 Aguirre: "A Messi lo vi ahí rápido como una rata… y Lamine Yamal apunta a rata también el sinvergüenza" pic.twitter.com/jDMOSPSolo

— Mundo Deportivo (@mundodeportivo) March 8, 2024