Тренерот на Лајпциг: Халанд? Ако не го сакате…

Манчестер Сити вечерва го пречекува РБ Лајпциг во реванш натпреварот од осминафиналната фаза во Лигата на шампионите.

На домаќините им е потребна било каква победа за пласман во наредната фаза, односно се освен нивен пласман во четвртфиналето ќе биде големо изненадување и сензација.

„Граѓаните“ имаат многу квалитетни играчи на располагање, а еден од нив е Ерлинг Халанд кој се истури од голови во својата прва сезона во премиерлигашот, но и покрај тоа има критики на негова адреса за негова инволвираност во играта, учеството.

Овие критики се смешни за тренерот на „биковите“, Марко Розе кој пред вечерашниот меч порача:

-Ако не го сакате испратете ми го мене. Дури и само за последните десет натпревари. Потоа можете да го добиете назад. Изненаден сум што доби критики. Тој постигна 28 гола на 26 натпревари во лигата. Ако ги одземеш тие голови, не знам каде би бил Сити на табелата. Не знам за што зборуваме. Секој знае за квалитетите на Халанд. Успеавме добро да се одбраниме против него во првиот натпревар, но никогаш нема да можете целосно да го спречите. Не е само Ерлинг- ќе има многу играчи од светска класа за кои ќе мора да се грижиме, -порача Розе.