Тренерот на Ѓоковиќ по драмата во Австралија: Ова е голем удар за него

Новак Ѓоковиќ остана без учество на Аустралијан Опен, а по целата драма која му се случуваше во обидот да добие право на настап на турнирот, стигна реакција и од неговиот долгогодишен тренер, Марјан Вајда.

Словакот ја следеше драмата од својот дом во Братислава и вели дека комуницирал преку пораки со светскиот рекет број еден, на кого тешко му паднал третманот кој го доби во Австралија.

– Пишувавме пораки, не разговаравме телефонски, тој малку го користеше телефонот во целата таа ситуација.

– Понизно ги почитуваше мерките, но тоа беше политички процес. Тоа сигурно ќе остави белег на него, ќе има последици и ќе му биде тешко да се врати.

– Откако е во Белград не сме зборувале, очекувам самиот да објави што понатаму. Сигурно дека ова многу го погоди на психолошки план, долго ќе го боли и тешко ќе го исфрли од глава. Но, добро го знам својот играч, тој е силен и се уште не го кажал последниот збор на теренот, -изјавил Вајда.