Тренерот на Ајнтрахт му се закани на Наполи: Можеме да се пласираме во четвртфиналето, во првиот меч…

Калчолигашот Наполи оствари сигурна победа над Ајнтрахт Франкфурт во првиот меч од осминафиналето на Лигата на шампионите, па вечерва се очекува да го потврди пласманот во наредната фаза со уште една добра партија.

Меѓутоа бундеслигашот нема да се откаже, најавува голема борба на „Диего Армандо Марадона“, стадион на кој наполитанците доминираат во актуелнава кампања.

-Можеме да се пласираме во четвртфиналето. Тоа беше само прво полувреме. Ние го анализиравме првиот натпревар и ќе дадеме се од себе во реваншот, -вели тренерот Оливер Глазнер кој знае каде неговата згрешила на првата средба.

-Во првиот натпревар, не можевме да најдеме брзина, сега треба да ја избегнеме таков вид грешка . Иако ќе бидеме ослабени во нашиот тим имаме други играчи кои ќе можат да постигнат гол, -порача Глазнер кој нема да смета на суспендираниот Рандал Коло Муани и повредениот Јаспер Линдстром.

Наполи има предност од 2-0, средбата се игра во веќе стандардниот термин од 21 часот.