Тренерот им се налути на новинарите: Ал Наср не е само Роналдо

Екипата на Ал Наср вчера гостуваше во Катар за натпревар од Азиската Лига на шампиони, а домашните фанови останаа разочарани поради фактот што не можеа во живо да го следат Кристијано Роналдо.

Португалецот воопшто не ни патуваше со екипата, која на крајот го победи Ал Духаил со 3:2, благодарение на хет-трикот на Талиска.

Тренерот на претставникот на Саудиска Арабија, Луис Кастро, во комуникацијата со медиумите ги загубил нервите поради прашањата поврзани со Роналдо.

– Ги почитувам медиумите, но очекувам ист однос и од нив. Роналдо не беше во состојба да игра, одигра натпревар пред 48 часа, а претходно и во Купот, затоа не можевме да сметаме на него и денеска.

– Разбирам дека луѓето сакаат да го гледаат Роналдо, но Ал Наср не е само Кристијано. Имаме играчи како Мане, Брозовиќ… – рекол Кастро.