Трапановски на „седмо небо“ по дебито за паметење: Ова е надвор од овој свет (Фото)

Кристијан Трапановски имаше одлично деби за Данди Јунајтед во шкотката Премиер лига, бидејќи македонскиот голгетер успеа да се запише во листата на стрелците на дербито против Данди.

Трапановски и Давид Бабунски беа стартери во домашниот тим и уште од самиот старт покажуваат дека ќе бидат големи засилувања за тимот, кој денеска двапати водеше, но на крајот мораше да се задоволи со реми.

Кристијан постигна еден гол и имаше уште една огромна шанса за втор погодок, но поради целокупниот настап кој го имаше на дебито, го доби и МВП признанието од шкотската елита.

Трапановски го покажа МВП трофејот на социјалните мрежи, а испрати и порака за првите импресии како член на шкотската фудбалска елита.

– Уау! Разочаран сум што не освоивме три бода, можев да направам повее…… Но, тоа што постигнав гол на дербито и тоа што фановите го пееја моето име е надвор од овој свет. Ви благодарам на сите, – порача Трапановски.

Wow! Disappointed not to get the 3 points i should do it better… but scoring in the derby in my debut and fans singing my name is out of this world. Thank you all 🙏🏻🤍🖤🧡 #allglorytoGODalwaysandforever pic.twitter.com/l9A6ZwcnDa

— Kristijan Trapanovski (@trapanovski) August 4, 2024