Трансферот не е потврден, но Симеоне веќе го тренира големото засилување од Премиер лигата

Конор Галагер вчера пристигна во Мадрид и се чини дека овојпат дефинитивно ќе стави потпис на договорот со Атлетико МАдрид, откако претходно преговорите меѓу шпанскиот клуб и Челси се изјаловија во последен момент.

Жоао Феликс ја спаси работата и трансферот на Португалецот во Лондон ја „отклучува“ и операцијата на англискиот репрезентативец, кој по долги години минати во Челси, сега ќе го добие првото интернационално искуство.

Галагер треба да биде супер засилување за средниот ред на Чоло Симеоне кој подолго време го бараше Англичанецот, а ова утро Аргентинецот ја имаше првата шанса и да го тренира.

Иако двата клуба ги немаат прецизирано сите документи и не ја потврдиле зделката, Галагер веќе тренирал под водство на Симеоне и ги запознал новите соиграчи.

Познатите шпански медиуми кои имале пристап да го снимаат тренингот на Атлетико го доловија тоа преку видео, па јасно е дека целата операција ќе биде официјално објавена до крајот на денот.

🏴󠁧󠁢󠁥󠁮󠁧󠁿 ¡Gallagher ya se entrena con el Atlético!

👉🏼 Con permiso del Chelsea, a falta de oficialidad que será hoy.#Laliga #Fichajes pic.twitter.com/n91Su92Ef8

— Atlético de Madrid (@Atletico_MD) August 21, 2024