Трансфер желбата на Челси: Не можам да им кажам „НЕ“, тоа е историски клуб

Премиерлигашот Челси се ослободи од доста играчи во овој преоден рок, најавени се и нови заминувања што значи ќе се отвори и одреден простор за некои засилувања кои навистина ќе можат да го подобрат тимот предводен од новиот стратег Маурисио Покетино.

Токму таков играч е Моисес Каиседо од Брајтон за кого „сините“ се подготвени издвојат голема сума на пари, но „галебите“ не сакаат да попуштат и бараат дури 100 милиони фунти водено од тоа колку Вест Хем заработи за Деклан Рајс.

Тоа може да биде голем проблем во преговорите, ама она што е јасно е дека Еквадорецот сонува да се пресели на „Стемфорд Бриџ“.

-Тоа е голем тим, тоа е вистина. Историски тим на кој не можам да му кажам НЕ, бидејќи тоа е многу голем, историски, убав тим. Градот исто така е прекрасен. Се е убаво, -истакнал 21-годишниот Каиседо за „La Cancha con Majo“.