Трансфер метата на ПСЖ ќе ја предводи Франција против македонските младинци

Француската У-21 репрезентација со силен состав ќе ја пречека Македонија во Ле Ман, во квалификациски натпревар за младинското Европско првенство.

Составот на селекторот Драган Канатларовски има одредени проблеми, додека Французите ќе бидат предводени од Едуардо Камавинга, за кого ПСЖ е подготвен да плати 30 милиони евра.

Покрај ѕвездата на Рен, во составот е и Вилијам Салиба од Олимпик Марсеј, како и довчерашниот соиграч на Алиоски од Лидс, голманот Ијан Мелие.

Канатларовски повика двајца нови играчи за натпреварите со Франција и Србија

Тука е и фудбалерот на Милан, Пјер Калулу, а единствениот претставник на ПСЖ е напаѓачот Арно Калимуендо.

Натпреварот Франција-Македонија се игра на 2. септември од 18:30 на стадионот во Ле Ман.