Трансфер бомба на Еурофарм Пелистер: Во Битола пристигнува и Мандалиниќ

Македонскиот прволигаш Еурофарм Пелистер продолжи сериозно да го засилува својот тим за новата сезона, а вечерва потврди дека го ангажирал и хрватскиот интернационалец Стипе Мандалиниќ.

Искусниот лев бек неодамна ја заврши авантурата во бундеслигашот Фуксе Берлин, откако клубот призна дека не може да ги задржи сите ракометари поради актуелната криза со коронавирусот, а сега реши да потпише со битолскиот тим.

Мандалиниќ замина во Германија поради големиот потенцијал кој го покажа во редовите на ППД Загреб и хрватската репрезентација, но во меѓувреме не се изнаигра и поради проблемите со повреди.

Еурофарм Пелистер досега веќе ги ангажираше и Матео Мараш, Марио Танкоски и Јосип Периќ.