Трајковски знае што му фали на Хајдук: Мораме да се подобриме…

Александар Трајковски влезе и постигна гол за Хајдук, ама и тоа не беше доволно за доставот од Сплит да дојде до целиот плен на гостувањето кај Локомотива.

Трајковски влезе и даде гол, Хајдук остана без победа во 99 минута (ВИДЕО)

Нашиот напаѓач ја искористи шансата и реализираше за водство на фаворитот, предност која беше активна дури до 99 минута кога домаќините со удар од 11 метри се изборија за реми.

-Знаевме дека ќе биде тежок натпревар, со многу дуели и долги топки. Се подготвувале за таква игра. Одигравме на свој начин, создававме шанси, а по првиот гол требаше подобро да го затвориме натпреварот и да ја сочуваме победата. Сепак, тоа е фудбалот. Се одиграа девет минути продолжение во кои со мала непријатност успеаја да изнудат удар од белата точка.

-Треба уште да се подобриме во последната четвртина од теренот, треба да се воиграме. Се надевам дека со тек на време ќе си дојде на свое, се надевам, што поскоро. Мора да знаеме како да се приспособиме, ќе биде се подобро и подобро, -рече Трајковски.

Сега Хајдук го очекува реваншот со Ружомберок во Конференциската лига на УЕФА.

-Не чека реванш во Европа, се надевам на преполн стадион и дека навивачите ќе не поддржат. Ќе биде поинаква игра од оваа. Се надевам дека ќе победиме и ќе продолжиме, -заклучи македонскиот репрезентативец.