Трајковски: Нема лесни противници, сакаме победа и против Велс

Македонија имаше посакуван старт на квалификацискиот циклус за Светското првенство во 2026 година или поточно го добивме Лихтенштајн во Вадуц со 3-0.

Иако се работи за селекција која е аутсајдер во нашата група Ј, секој ривал треба да се добие на теренот, а избраниците на Милевски тоа го направија и сега ќе можат да се фокусираат на далеку поголемиот предизвик, соочувањето со Велс во Скопје.

-Знаевме дека е многу  важно да отвориме со победа во овие квалифиакции, но секој меч е важен и нема лесен противник. Можеби така изгледа ода страна, меѓутоа се подготвуваме за секој меч како да е најважен. Сега не очекува потешка задача од оваа, ама се надевам и дека во Скопје добро ќе одиграме. Велс е подобра репрезентација, се надевам дека ќе победиме.

-Благодарност до сите навивачи кои дојдоа да не поддржат и се надевам дека ќе бидат во уште поголем број на натпреварот во Скопје, -истакна Александар Трајковски кој го постигна првиот гол на денешното соочување со Лихтенштајн.