Трајковски: Имаше интерес од Милан, ама на крајот се одлучив за Мајорка

Македонскиот репрезентативец, Александар Трајковски минатата година како слободен фудбалер можеше да ја одбере следбата дестинација откако Палермо се распадна, а една од опциите била гигантот Милан.

Имено нашиот напаѓач ова го откри во разговорот со италијанскиот новинар и експерт, Џанлука Ди Марцио.

-Имаше нешто минатото лето, ама не беше доволно. Кратко време се надевав, ама работите не излегуваат како што сакаме, па на крајот заминав во Мајорка. Ова е фудбалот, се случуваат вакви работи. Имав понуди од Италија. Ама кога дојде понудата од Мајорка, размислував да се испробам во Шпанија, да променан, да го пробам шпанскио фудбал. Можеби еден ден ќе се вратам во Италија,  -истакна Трајковски.

Александар своето патување го започна во Цементарцица по што отиде во Хрватска во Интер Запрешиќ, па преку Зулте Варегем, Мехелен и Палермо слета на Балеарски Острови.