Трајковски и Хајдук шокирани од Ружомберок, Шишковски и Борац на чекор од групна фаза во ЛЕ (ВИДЕО)

Хајдук на македонскиот репрезентативец Александар Трајковски се посрамоти пред своите гледачи и загуби од Ружомберок со 1-0, пораз кој значеше крај на настапот во европските купови во оваа сезона.

И покрај сите проблеми, хрватскиот великан важеше за огромен фаворит во вечерашниот меч на „Пољуд“, меѓутоа по кој знае кој пат одново ги разочара своите фанови.

Клучниот момент се случи во 7 минута кога автогол си постигна Шарлија, гол кој беше доволен да се реши овој двомеч. Инаки Трајковски беше активен од првата до последната минута на денешното соочување.

Успех од нашите репрезентативци имаше само голманот Дамјан Шишковски кој со Борац Бања Лука беше подобар од Класквик со 3-1 по продолженијата и со тоа обезбеди плејоф за влез во групната фаза на Лига Европа.

Ривал тука ќе им биде Ференцварош, во случај Дамјан и компанија да паднат пред унгарскиот великан тогаш ќе се задоволат со место во Конференциската лига.