Поврзете се со нас

Европски првенства

Трајковски: Горд сум што го израдувавме нашиот народ, Македонија ќе биде изненадување на ЕП!

Објавено

на

blank

Македонската сениорска репрезентација со пласманот на Европското првенство испиша нова страница во историјата, а воедно со тоа израдува многу луѓе во нашата земја и пошироко со оглед на тоа што долго време се чекаше на еден ваков успех, резултат на фудбалски план.

Овој билет за ЕП донесе среќа, задоволство, гордост и кај фудбалерите кои ќе можат да покаат што знаат и умеат на големата сцена со селекции како Украина, Австрија и Холандија кои се во нашата група. Овој резултат ќе се памети и за тоа говори најновата реакција на фудбалерот на шпанска Мајорка, Александар Трајковски.

-Чувството не може да се опише! Сон на секој фудбалер е еден ден да биде дел од така големо натпреварување. Драго ми е што сум дел од генерацијата која успеа по прв пат во историјата да ја однесе репрезентацијата на ЕП и горд сум што успеавме да го израдуваме нашиот народ.

-Мислам дека поседуваме одличен квалитет! Верувам и дека ќе бидеме убаво изненадување на претстојното ЕП, -истакна Трајковски за „Хотспорт. рс“.

Воедно напаѓачот ги издвои најдобрите играчи со кои досега соработувал во кариерата.

-Франко Васкез со кого поминав две години во Палермо, во моментов игра за Севилја. Александар Седлар е мој сегашен соиграч, кога го сметам за еден од најдобрите стопери во лигата и секако Горан Пандев! Тој е жива легенда на македонскиот фудбал и мој соиграч од репрезентацијата, -рече некогашниот член на Палермо кој за најголеми успеси во досегашната кариера ги посочи:

-Најголем успех го сметам фактот што играв во двете можеби најквалитетни лиги во Европа. Секако го издвојувам и историскиот успех со репрезентацијата, пласманот на ЕП, -заклучи Александар за српскиот медиум.

Реклама
Реклама
Реклама

Facebook

Популарни