Трагичарот Мем за грешката која ќе го прогонува до крајот на животот: Ова не му го посакувам на никој (Видео)

Франција и Германија одиграа една од најдраматичните завршници во историјата на Олимписките игри, бидејќи домаќинот на турнирот успеа да прокоцка преднот од два гола во последните 15 секунди.

Откако Ушчинс намали на 29:28 со гол од пенал, Французите требаше да ја задржат само топката во свој посед за да победат, но наместо тоа, следеше грешка за паметење.

Дика Мем се блокираше на шест секунди пред крајот и ја подари топката со лош пас, па иако до тој момент беше најдобар француски офанзивен играч со 10 гола, на крајот го понесе епитетот на трагичар.

– Ова е ужасно, ова чувство кое никогаш не сум го почувствувал. Верувајте, ова не му го посакувам на никому. Ќе научам од оваа грешка, признавам дека направив голема грешка. Чувствувам вина, станува збор за меч кој требаше да го добиеме и навистина ми е многу тешко.

– Знаев дека Германците ќе извршат пресинг, па затоа побарав од соиграчите да се отворат на страна. Сакав да додадам до Пранди, но направив голема грешка и истата беше казнета. Тоа беше голем удар за мене, навистина мислев за тоа во продолженијата. И покрај тоа шт моите соиграчи ме тешеа, беше тешко да се игра во продолжението, – признава Мем.

Франција на крајот загуби 35:34, па така Германија е таа која ќе се бори за медалите на Олимписките игри во Париз.

😱 OH NON !

La perte de balle et l'égalisation allemande à la dernière seconde !

Suivez les Jeux de #Paris2024 sur Eurosport avec Max, Canal+ et nos partenaires de distribution pic.twitter.com/xZiAJnJEeD

— Eurosport France (@Eurosport_FR) August 7, 2024