Поврзете се со нас

Лига на шампиони

Трагичар е мал збор: Двете ситуации од Истанбул кои ќе го прогонуваат Лукаку до крајот на животот (Видео)

Објавено

на

Foto:twitter.com/Inter

Ромелу Лукаку го замени Един Џеко во 55-та минута и требаше да биде „џокерот“ на Симоне Инѕаги кој ќе направи разлика во нападот, но наместо тоа, Белгиецот се претвори во голем трагичар.

Манчестер Сити поведе со голот на Родри во 68-та минута, но во последните 20 минути, Интер не реализираше две стопроцентни шанси, а во двете ситуации дел од хаосот беше Лукаку.

Несреќниот Ромелу имаше чудесни промашувања и на Светското првенство во Катар, но малерот продолжи да го прати и вечерва во Истанбул.

Корпулентниот напаѓач сигурно до крајот на животот ќе го прогонуваат двете акции од денешното финале, при кои најпрво го блокираше својот соиграч Димарко за израмнување, а потоа го промаши невозможното.

Центарфорот имаше се на своја страна да се „поклони“ и да го матира Едерсон, но биеше директно во голманот на Сити и ја пропушти најголемата шанса за израмнување во 88-та минута.

Реклама
Реклама
Реклама

Популарни