Тото Волф случајно го откри наследникот на Луис Хамилтон

Тото Волф, шефот на тимот на Мерцедес, случајно денеска во изјави за медиумите потврди дека Андреа Кими Антонели ќе го наследи Луис Хамилтон во Мерцедес од 2025 година.

Тото Волф, шефот на Ф1 тимот на Мерцедес, ја објави долгоочекуваната вест – младиот Кими Антонели ќе се приклучи на тимот во 2025 година како еден од главните возачи.

„Двајцата возачи кои ќе бидат во нашите автомобили следната година ја имаат нашата целосна поддршка“, го започна Волф разговорот и продолжи:

„Сакаме ова да успее со Џорџ и Кими“, и тука се беше јасно.

Шефот на Мерцедес со овие зборови сосема јасно стави до знаење дека младата ѕвезда Кими Антонели е наследник на Луис Хамилтон, и дека следната сезона ќе му биде колга на Џорџ Расел.

Кими Антонели, кој помина низ младинската академија на Мерцедес, важи за еден од најперспективните млади возачи во светот на мотоспортот.