Тоти за тандемот Дибала-Лукаку: Едвај чекам да ги видам заедно на теренот

Франческо Тоти во своето последно интервју за италијанските медиуми зборувал за можноста да се врати во Рома, за своето почитување кон Жозе Мурињо, но и за новиот офанзивен тандем на „волчицата“.

Во пресрет на дуелот на домашен терен против Емполи, Тоти истакнал дека е возбуден што веројатно првпат ќе може да ужива во тандемот Дибала-Лукаку во нападот на Рома.

– Досега не сме ги виделе да играат заедно и очекувам тоа да се случи против Емполи. Едвај чекам, – рекол Тоти.

– Точно е дека Мурињо посакува да се вратам во клубот, не велам дека тоа не е возможно.

– Се надевам дека тој ќе остане долго во Рома, се работи за најдобриот тренер. Потребни ви се квалитетни фудбалери за добри резултати, но и топ тренер, а Мурињо и Анчелоти се најуспешни тренери. Звучи навредливо кога некој го критикува Жозе, – истакнал Тоти.