Тоти за повикот и богатството од Реал: Тие не ми понудија само една работа

Легендата на италијанскиот фудбал и на Рома, Франческо Тоти уште еднаш отворено прозборе за понудите кои ги имал од Реал Мадрид за време на активната играчка кариера.

Тоти беше еден од најдобрите италијански играчи, па големите екипи од типот на Реал Мадрид сакаа да го доведат во своите редови, меѓутоа принцот од Рим одлучи да и остане верен на римската волчица.

„Кралевите“ за да го привлечат напаѓачот му нуделе вистинско богатство, буквално се со исклучок на една работа, капитенската лента на Раул Гонзалес.

-Да кажеме, 80 проценти имав намера да одам во Реал Мадрид. Исто тоа не беше најдобар период за Рома иако е точно дека Сенси (поранешниот прв човек на Рома) се ќе стореше за мене.

-Реал сакаше многу да плати. Многу ми нудеа, се. Требаше да имам договор на 25 милиони долари. Се со исклучок на капитенската лента затоа што Раул беше таму. Раул беше играчот кој требаше најмногу да заработува, Беше капитен, симбол на Реал, мораше најмногу да заработува. Секој играч кој доаѓаше мора да заработува помалку од Раул, -истакна Тоти.