Тоти објасни зошто Дибала не може да ја носи „десетката“ во Рома: Немам ништо против него и Лукаку, но…..

Франческо Тоти е последниот фудбалер кој ја носеше „десетката“ во Рома, па иако клубот не го повлече овој дрес, засега никој не се осудува да го побара истиот и да доби дополнителен притисок од јавноста.

Пауло Дибала се одлучи за бројот „21“ во својата прва сезона во Рома и многумина прогнозираа дека може да ја земе „десетката“ за втората, но Аргентинецот не направи промени и остана доследен на она што го избра минатото лето.

Тоти како легенда на Рома нема ништо против некој да го носи неговиот дрес, но смета дека Пауло не ги исполнува критериумите кои се потребни за да се носи драгоцениот дрес во римскиот клуб.

– Јас не сум сопственик на „дессетката“, но јасно е дека следниот играч кој ќе го носи овој дрес ќе мора да биде играч кој го почитува клубот, градот Рим и фановите.

– Мора да се работи за играч кој ќе остане 20 години во Рома. Немам ништо против Дибала и Лукаку, но ќе нема никаква смисла да се даде „десетката“ на играч кој ќе биде тука само две или три години. Исто така, ќе донесе дополнителна одговорност кај фудбалерот. Од друга страна, Пауло не е глупав, избра друг број и знам дека никогаш нема да ја побара „десетката“, – вели Тоти.