Тоти не е импресиониран од летните засилувања на Рома: Постои голем ризик

Рома успеа да донесе неколку летни засилувања и го задржа Пауло Дибала, но легендарниот Франческо Тоти не е задоволен од активноста на неговиот омилен клуб.

Поранешниот капитен е доста рамнодушен на оваа тема и не е сигурен дека тимот се засилил со новите фудбалери, особено поради тоа што гледа клуб како Јувентус кој донел вистински засилувања.

Единствена надеж на Тоти е неговиот добар пријател Даниеле Де Роси, со кого вели дека е во постојан контакт и во речиси секојдневна комуникација.

– Убедлив преоден рок? И да и не! После целиот хаос кој настана во завршницата од преодниот рок, мислам дека Рома донесе и многу ризични засилувања.

– Сега се се сведува на Де Роси. Тој треба да ги сложи коцките на теренот и да направи овие играчи да го даваат максимумот. Многупати зборувавме овој месец и тој е среќен со тоа што го прави во Рома. Очекува многу повеќе и не посакуваше вака лош старт. Тој го поседува потребниот менталитет и потенцијал за да го подобри тимот, – вели Тоти.

Рома почна со две реми средби и еден пораз во новата натпреварувачка сезона, а по завршувањето на преодниот рок, како слободни агенти во тимот ги донесе Марио Ермосо и Матс Хумелс. Претходно, во официјалниот рок на трансфер пазарот, Рома се засили и со Ле Фе, Суле, Довбик и Анхелињо.