Тоти и Спалети ги закопаа „воените секири“ и закажаа средба пред натпреварот со Македонија (Видео)

Франческо Тоти и Лучијано Спалети ги закопаа „воените секири“ и двајцата се подготвени за примирје после неколку години пауза, откако добро познато е дека завршија во доста лоши односи во последната сезона која ја имаше капитенот на Рома како професионален фудбалер.

Легендарната „10-ка“ на „волчицата“ наиде на игнорантски однос од Спалети и неговите последни месеци во клубот беа навистина многу тешки, но сега Франческо е подготвен да му прости и да се соочи со актуелниот италијански селектор.

Спалети пред две недели јавно го повика Тоти на средба пред натпреварот со Македонија кој ќе се игра во Рим на 17-ти ноември, а сега стана познато дека навистина ќе има средба, иако истата ќе се одржи далеку од очите на јавноста.

Италијанскиот комичар Фиорело ги спои двајцата преку телефонски повик, а италијанските медиуми ја пренесоа конверзацијата која ја имаа двајцата:

Спалети: Здраво Франческо, мило ми е што те слушам и ќе ми биде уште помило ако се сретнеме.

Тоти: Националниот тим игра во Рим и мислам дека ќе имаме шанса да се сретнеме. Секако, не би го направил тоа пред камерите.

Спалети: Може да се сретнеме и во детската болница во Рим. Сакам да им понудиме уникатен момент на дечињата со кои делевме толку радости во Рома.

Тоти: Во ред е, ако не сум на друго место, сигурно ќе направам да се видиме таму, – гласи конверзацијата меѓу двајцата.

La riconciliazione tra #Totti e #Spalletti:

Sotterrata finalmente l'ascia di guerra, questo video mi ha messo di buonumore, sono cresciuto con questi due, un genio in campo e uno in panchina, e sentirli così, che si vogliono ancora un bene immenso, mi ha commosso. Godetevelo.❤️ pic.twitter.com/0KcmPbGqAR

— 🎩💫HungryMARCIO🏆🟠🔴🦴 (@HungryMarcio) November 6, 2023