Тоти ги избрал омилениот соиграч и тренер, а открил и кој му е омилен тенисер

Франческо Тоти го привлекува вниманието на секој настан на кој ќе се појави, а италијанските медиуми сега пренесуваат едно негово интересно интервју.

Поранешниот капитен на Рома одговарал на интересни прашања, а го избрал својот омилен соиграч, односно тренер.

Изборот паднал на Антонио Касано и Карло Мацоне, додека идол во детството му бил Диего Марадона.

Тоти дал интересен одговор и со што би се занимавал ако не бил фудбалер.

– Сигурно ќе работев на бензинска станица, бидејќи го обожував мирисот на бензинот. Исто така и поради фактот што вработените секогаш имаа полни паричници со пари.

– Во однос на спортот, ако не бев фудбалер, ќе бев тенисер. Федерер ми беше тениски идол, исто како што Марадона беше мој фудбалски идол, – рекол Тоти.