Тотенхем побарал од медиумите да не го именуваат клубот на „погрешен“ начин

Премиерлигашот Тотенхем испратил допис до телевизиските станици, со кое побарал да се избегне погрешно именување на клубот во иднина.

Лондонскиот клуб инсистира да биде именуван како Тотенхем Хотспар, односно со целосниот назив, а не само со Тотенхем, бидејќи тоа е погрешно име, односно претставува одреден реон во градот.

Клубот сака да го промовира брендот во глобални рамки, слично како што тоа го прават Манчестер Јунајтед и Манчестер Сити, кои од фановите и медиумите се именуваат со целосното име или само Јунајтед и Сити. Според ова, Тотенхем Хотспар би требало да биде називот кој медиумите ќе го користат во иднина за лондонскиот клуб.

Во ситуација кога има потреба од скратен назив, за клубот е прифатливо да се користи називот „Спарс“.

На телевизиските преноси името е веќе коригирано, па дури и кога се најавуваат интервјуата со Анге Постекоглу, тој е именуван како менаџер на Тотенхем Хотспар.