Тотенхем по само една сезона го продава играчот за кој притискаше Жозе Мурињо

Од таборот на Тотенхем во летниот преоден рок ќе се обидат да се ослободат од еден играч кој беше меѓу првите засилувања во ерата на Жозе Мурињо во Северен Лондон.

Станува збор за десниот бек и репрезентативец на Република Ирска, Мет Доерти кој во досегашниот дел од сезоната вооптшо не ги оправда очекувањата.

„ЕСПН“ јавува дек менаџерот на Тотенхем, Жозе Мурињо не верува дека Доерти ќе може да успее во тимот, па се согласил да биде продаден во летниот преоден рок.

Доерти пристигна во Тотенхем од редовите на Вулверхемптон за сума од 15 милиони фунти и голем дел од фановите на клубот мислеа дека тоа е вистински избор за десната бековска позиција.

Сепак, Ирецот имаше само девет натпревари од првата минута во Премиер лигата и тоа претежно сите беа во првиот дел од сезоната, за сега да го загуби првотимскиот статус.