Тотенхем остана без Кулушевски најмалку до почетокот на април

Дејан Кулушевски нема да може да им помогне на соиграчите од Тотенхем и шведската репрезентација најмалку еден месец, – потврдил Анге Постекоглу.

Менаџерот на Тотенхем ги информирал медиумите дека крилниот напаѓач има повреда на левото стопало, нешто што беше навестено и од фотографијата објавена од Кулушевски, а на која тој носи заштитна обувка.

Повредата значи дека Кулушевски ќе ги пропушти дуелите со АЗ Алкмар од осминафиналето на Лига Европа, како и премиерлигашките соочувања со Борнмут и Фулам.

Потоа следува пауза за настап на репрезентациите и Постекоглу се надева дека Швеѓанецот со македонско потекло ќе му биде достапен за дербито со Челси, закажано за 3. април.

Менаџерот најавил дека Ромеро, Ван ден Вен и Соланки ќе патуваат во Холандија и ќе бидат подготвени за настап против АЗ.