Тотенхем ќе продаде фудбалер во Лестер на денот во кој двете екипи ќе се соочат во Премиер лигата

Тотенхем направи важни промени во составот ова лето, а покрај засилувањата, тука се и фудбалерите кои ја завршија соработката со премиерлигашот.

Денеска стана јасно дека менаџерот Анге Постекоглу се откажал од Оливер Скип, фудбалерот кој потекнува од младинската академија на Тотенхем, а кој сега ќе стане нов член на Лестер.

„Лисиците“ ќе платат солидни 20 милиони фунти за 23-годишниот Скип и овој трансфер може да се смета како успешен проект на лоднонскиот состав, најмногу поради ограниченото време кое го добиваше играчот за врска во текот на претходната сезона.

Скип дебитираше за првиот тим на Тотенхем во октомври 2018 година, а оттогаш има 77 премиерлигашки настапи, од кои најголем дел како поддршка од клупата.

Фудбалерот утре треба формално да ги мине лекарските прегледи, а интересно ќе биде промовиран од Лестер на денот на кој оваа екипа ќе игра токму со Тотенхем.