Тотенхем го нокаутираше Јунајтед на „Олд Трафорд“ (ВИДЕО)

Тимот на Тотенхем оствари убедлива победа над Манчестер Јунајтед од 3-0 во претпоследниот натпревар од шестото коло во англиската Премиер лига.

Иако се очекуваше далеку повозбудлив дуел, дуел кој ќе биде неизвесен до последниот судиски свиреж, тоа не се случи или поточно гостите го надиграа домаќинот на „Олд Трафорд“ и забележаа уверлив триумф кој можеше да биде изразен со уште поголема разлика ако Онана не си ја завршеше работата на највисоко ниво.

„Петлите“ уште во 3 минута дојдоа до водство преку Џонсон, но гол за кој најзаслужен е стоперот Ван де Вен кој направи се и сипрати топка која соиграчот мораше само да ја спроведе во мрежата на „црвените ѓаволи“. Во 42 минута Јунајтед остана без капитенот Фернандеш кој доби директен црвен картон за еден старт над Медисон.

По одморот Кулушевски му зададе нов удар на домашниот состав по што стана јасно дека Манчестер нема што веќе да бара на ова соочување.

До крајот погоди и Соланки за потврда на трите бода на избраниците на Постекоглу.

Тотенхем сега има десет бода, Јунајтед останува на седум поени.