Тотенхем доби разочарувачка вест поврзана со жалбата за казната на Бентанкур

Англиската фудбалска асоцијација донела решение за жалбата на Тотенхем за суспензијата на Родриго Бентанкур, а лондонскиот клуб не добил поволна вест.

Уругваецот не добил делумно „помилување“ за суспензијата на седум натпревари, што значи дека ќе мора да ги пропушти и последните две средби од првично изречената казна.

Бентанкур доби жестока казна поради расистичкиот испад поврзан со соиграчот Сон Хеунг-мин, а асоцијацијата реши да му овозможи апелациско сослушување кое сепак не дало резултат.

Тотенхем ја прифати вината на фудбалерот, но се жалеше дека казната е престрога, а асоцијацијата останала на првичната одлука поради негативното влијание на изјавата на Бентанкур врз големата база фанови на Премиер лигата.

Согласно одлуката, Бентанкур нема да настапи против Манчестер Јунајтед во Карабао Купот и против Ливерпул во Премиер лигата.