Топурија му се налути на Роналдо: Не очекував некој како тебе… (Видео)

УФЦ ѕвездата Илија Топурија не ги прифатил најдобро зборовите на Кристијано Роналдо од едно вирално видео и реши да му испрати порака на Португалецот преку социјалните мрежи.

Роналдо е познат фан на ММА, односно УФЦ борбите, па на социјалните мрежи се појави видео во кое тој зборува во пресрет на дуелот на Топурија и Макс Холовеј на УФЦ 308 настанот во Абу Даби.

Кристијано му дал предност на Холовеј, а притоа и го искритикувал Шпанецот со грузиско потекло за неговото однесување, нешто што посебно не му се допаднало на Топурија, кој подоцна му испорача прв нокаут пораз на Холовеј.

– Топурија зборува премногу. Мислам дека кога го победи Волкановски, Волк не беше подготвен за тој удар. Топурија не се борел со најсилните, но ако го победи Макс, ќе го почитувам тоа, – истакнал Роналдо во својот коментар.

– Не очекував некој како тебе да не прави разлика меѓу самодоверба и ароганција, – искоментира Топурија, посакувајќи му успеси на Роналдо во преостанатиот дел од кариерата.

I didn’t expect someone like you to be unable to distinguish between confidence and arrogance. But, at the end of the day, we all reflect our own reality onto others. I wish you the best for what remains of your career, and God bless your family. https://t.co/cGWYvCs2tr

— Ilia Topuria (@Topuriailia) November 2, 2024