„Топчиите“ се во криза: Арсенал падна на „Сент Џејмс Парк“ (ВИДЕО)

Арсенал е во мини криза во Премиер лигата и потврда за тоа се двата порази на изминатите три натпревари од кои последниот беше попладнево против Њукасл на „Сент Џејмс Парк“.

Домаќините беа без триумф во домашниот шампионат од 15 септември, но денеска беа компактни, борбени и го срушија тимот кој ја посакува титулата во ПЛ.

Клучниот момент се сличу во првото полувреме или поточно во 12 минута кога по нафрлената топка на Гордон, одлично со глава реагираше Исак и го матираше голманот Раја.

Сега Њукасл има само три бода помалку од „топчиите“ кои по ова коло можат да имаат уште поголем минус во однос на водечките Манчестер Сити и Ливерпул, два клуба кои се фаворити против Борнмут и Брајтон.