„Топчиите“ не стравуваат од Халанд: Се смееме…

Манчестер Сити и Арсенал за неколку дена ќе ги одмерат силите во дерби натпреварот во Премиер лигата, дерби натпревар кој ќе ни даде одговор за формата, резултатите во овој дел од сезоната.

Овие дуели на „граѓаните“ и „топчиите“ стануваат се позначајни и позначајни затоа што се работи за тимови кои развија ривалство во последниве години, поточно Арсенал стана најголема закана за Сити во борбата за трофејот во домашниот шампионат.

Двете екипи дефинитивно ќе сакаат да испратат порака до ривалот на соочувањето на „Итихад“, можно е да има и одредени провокации до самиот меч како што е оваа од Жоржињо кој посочи дека тие не се импресионирани од формата на напаѓачот Ерлинг Халанд и покрај деветте гола на четирите меча.

-Се смееме на тоа што Халанд повторно дава голови. Се смееме затоа што ги гледаме сите натпревари и го сакаме фудбалот.

-Не влијае врз нашите глави. Треба да се фокусираме на нас и тоа е она што се обидуваме да го направиме, -порача Бразилецот со италијански пасош.