Топ напаѓач им се нуди на каталонците: Сонувам да играм за Барселона (ВИДЕО)

Барселона добро функционира во досегашниот тек на оваа натпреварувачка сезона во која игра со доста млади, неискусни играчи, но германскиот стратег успева да го извлече максумумот од нив, ама и од некои фудбалери за кои се сметаше дека се на излезна врата од клубот, најдобар пример за тоа е Рафиња кој игра во неверојатна форма.

Меѓутоа повеќе од јасно е дека на каталонците им се потребни засилувања на некои позиции за да бидат максимално конкурентни, да можат да ги нападнат сите титули. Финансиската состојба на клубот се подобрува и 2025 година би требало да биде година во која ќе бидат повлечени некои потези меѓу кои и соодветна замена за Роберт Левандовски кој дава голови, работи за екипата, ама веќе ја тера 37 година од животот и мора да има поддршка, да добие одмор во некои натпревари со тоа што за негп лидерот во Примера нема замена, класична деветка.

Каталонците се поврзуваат со некои имиња, меѓу нив и 24-годишниот Џонатан Дејвид на кого му завршува договорот по крајот на актуелнава кампања. Него го прават и други клубови со оглед на тоа што веќе неколку години настапува на завидно ниво за Лил, има 97 голови и 20 асистенции во Лига 1 што доволно говори за квалитетите што ги поседува.

Прашање е само каде Канаѓанецот каде ќе заврши, а ако се прашува тој би сакал тоа да биде Барселона.

-Барса секогаш бил тимот за кого сум навивал кога растев. Кога растеш подржувајќи еден клуб, сонуваш да играш за нив, -порачал Дејвид за „Атлетик“.