Тони Надал со анализа на олимпиското финале до конечен заклучок: Ѓоковиќ е најголем на сите времиња!

Тони Надал стандардно ги анализира сите големи мечеви во светскиот тенис, па иако неговите колумни обично се посветени на големите грен слем финалиња, овојпат направи исклучок и за Олимписките игри.

Карлос Алкарас се расплака по болниот пораз од Новак Ѓоковиќ во два сета и не успеа да донесе злато за Шпанија, одличје кое замина на градите на најуспешниот тенисер на сите времиња.

Ѓоковиќ ја комплетираше својата витрина и го придодаде единственото нешто што му недостасуваше во богатата ризница трофеи, по што и Тони Надал конечно го нарече Србинот „ГОАТ“ (најголем играч на сите времиња).

– Поразот на Алкарас не треба да се смета за пораз. Неговиот сребрен медал против најдобриот играч во историјата на тенисот го заслужува нашето воодушевување.

– Нашиот фантастичен тенисер беше поразен во еден тесен и интенезивен меч кој отиде на страна на Србинот во два тајбрејка. Виситна е дека Шпанцеот бше главен фаворит за златото, но овојпат играше против Ноле кој не потсети на своите најдобри денови. Да искористеше една од осумте брејк топки во првиот сет, сигурен сум дека ќе победеше.

– Неговите солзи ни оставија горлчив вкус, но не смееме да бидеме измамени. Загуби меч кој можеше лесно да заврши на негова страна, се бореше за секоја топка и го држеше цел стадион на нозе. Тој освои сребро против најдобриот играч во историјата, затоа заслужува да се воодушеевуваме на тој резултат, – потенцира Тони.