Тони Надал: Ѓоковиќ е најдобар во историјата зошто Рафа беше подолго повреден, но никој не може со…..

Тони Надал пред извесно време напиша колумна и нагласи дека Новак Ѓоковиќ е најдобар и најуспешен тенисер во историјата, откако српскиот тенисер го комплетираше и единственото нешто што му недостасуваше во кариерата.

Ноле го „собра“ олимпиското злато во Париз и го придодаде одличјето кое единствено го немаше освоено во тенисот, но еден месец по овие случувања, Тони Надал даде нова интересна изјава за оваа тематика, овојпат при гостување за грчки медиум.

Чичкото на Рафаел Надал уште еднаш посочи дека Новак е најдобар во историјата според бројот на освоени важни титули, меѓутоа додава дека неговиот внук ќе го имал тој статус ако немаше толку лоша среќа со повредите.

– Ѓоковиќ е најдобар. Ѓоковиќ освои повеќе титули и тоа е тоа. Кој ќе беше најдобар без повреди? Мојот внук. Но, тој имаше повреди и на крајот најдобар е Ѓоковиќ.

– Сепак, по мое мислење, тоа што го одигра Федерер, го нема одиграно никој во тенисот. Никој во тенисот не го правеше тоа што го правеше Федерер. Кога тој игра тенис на највисоко ниво, никој не може да му се доближи, – заклучува Тони Надал.

Toni Nadal: “Who is the best? Novak Djokovic. Because he won more titles than the others. Who could be the best without injuries? My nephew” 🧂😂 pic.twitter.com/xnYqB7KDvq

— Novak India Fans (@NovakIndiaFans) September 11, 2024