Поврзете се со нас

Светски првенства

Тони Адамс обелодени што му порачал на Бекам откако доби црвен картон против Аргентина: Ме гледаше зачудено

Објавено

на

blank

Дејвид Бекам освои се што може да се освои на клупски план како член на Манчестер Јунајтед и Реал Мадрид, но ако треба да се бара некоја „црна дамка“ во кариерата на Бекси, тој ја дели истата судбина како многу големи имиња од неговата генерација во последните 20 години.

Бекам не оствари никаков позначаен успех како еден од лидерите на англиската фудаблска репрезентација и покрај тоа што Англичаните располагаа со страшна генерација на фудбалери, а еден од најтешките моменти за него беше кога доби црвен картон во осминафиналето против Аргентина во 1998-ма година на Светското првенство.

Играчот за врска го удри Симеоне и заработи исклучување по кое Англичаните загубија во пенал рулетот, а Тони Адамс кој тогаш последен пат заигра на еден мундијал, откри каква порака му испратил на помладиот колега.

– Тој беше навистина вознемирен, беше тажен и беше речиси пред плачење. Се тресеше како младо дете и му пријдов и се обидов да се пошегувам со него. Му реков дека има уште многу време за него, дека ќе игра на уште доста Светски првенства, но дека ја уништи мојата последна шанса, моето последно Светско првенство. Ме гледаше зачудено и се прашуваше дали навистина се шегувам. Го кажав тоа на шега, тоа беше навистина тажен момент за него и сигурен сум дека се уште го прогонува, – вели легендарниот капитен на Арсенал за „Скај Спортс“.

Реклама
Реклама
Реклама

Популарни