Тонали се врати на терените после десет месеци, симпатичниот момент со фановите на Њукасл стана вирален (Видео)

Фановите на Њукасл важат за едни од најгласните и најверните во Англија, а тоа го покажаа и во комплексниот случај со најголемата ѕвезда која беше купена минатото лето.

Сандро Тонали пристигна како огромна ѕвезда на „Ст. Џејмс парк“ и набрзо беше шокиран со суспензијата поради недозволено обложување на спортски натпревари, казна која направи да се оддлачи од терените во период од десет месеци.

Италијанскиот репрезентативец вчера го имаше првиот официјален настап од октомври минатата година и учествуваше во Карабао мечот против Нотингем Форест, дуел на кој одигра 60-тина минути како стартер.

Ова беше прв натпревар за Тонали после десет месеци, а откако Њукасл славеше во пенал рулетот, навивачите на Њукасл му ја направија вечерта уште понезаборавна.

„Тун армијата“ му ја презентираше сета љубов на својот миленик, па убавите сцени беа споделени и од официјалниот канал на клубот.

– Се вратив таму кадешто припаѓам, – порача Сандро на Инстаграм.

Sandro ole, ole, ole… 🎶🇮🇹 pic.twitter.com/5MvhvFgXIw

— Newcastle United FC (@NUFC) August 28, 2024

View this post on Instagram

A post shared by Sandro Tonali (@sandrotonali)