Тонали покажа уште еден неочекуван талент и ги воодушеви фановите на Њукасл

Сандро Тонали ја отслужи казната која ја доби поради недозволено обложување во професионалниот фудбал, а со враќањето на терените, Њукасл игра далеку подобро оваа сезона.

Италијанскиот репрезентативец изгради специјална врска со навивачите на Њукасл и во периодот кога беше суспендиран, но со потези како овој последниот, Сандро си добива уште поголема фан база во Англија.

Премиерлигашот им даде за задача на неколку свои ѕвезди да покажат еден скриен талент, а од сите дела кои беа направени, она на Тонали беше најимпресивно.

Фудбалерите од првиот тим добија за задача да го нацртаат грбот на клубот чии бои ги претставуваат, па додека останатите потфрлија, Тонали покажа уште еден неочекуван талент.

Сандро навистина добро го нацрта грбот на Њукасл и самиот си додели „10-ка“, истото го направија и модераторите на самиот клуб.

Work of art, Sandro! 🎨😂 pic.twitter.com/8otESaPUN2

— Newcastle United FC (@NUFC) November 12, 2024