Тонали објасни зошто не користи паметен телефон и социјални мрежи

Сандро Тонали отслуши десетмесечна суспензија поради недозволено обложување на онлајн платформи, а сето тоа му послужи како животна лекција, од која самиот вели дека извлекол многу поуки.

Италијанскиот репрезентативец ужива во Њукасл и успеа да се врати во националниот тим, но како што вели самиот, среќата, мирот и слободата ги пронашол такашто се дистанцирал од работи кои беспотребно му одвлекувале многу внимание, но и му го трошеле слободното време.

Тонали открива дека подолго време практикува да не користи паметен телефон и социјални мрежи, или се обидува да се лимитира од тоа најмногу што може.

– Од цела последна година, не сум користел паметен телефон во последните шест месеци. Тоа ми даде нова смисла на слобода, се чувствувам послободен.

– Претходно не можев да одам од една во друга соба без мојот паметен телефон. Денеска го оставам дома и кога се враќам од некаде, дури тогаш гледам дали има некој што ми ѕвонел. Одговорам на повиците само ако ме барал некој од Италија, мојата мајка, татко, или било кој од семејството. Исто така, имам минимален контакт и со социјалните мрежи, тоа направи да се чувствувам многу послободно, – објаснува Тонали.