Томпсон се врати дома, но Кари го украде шоуто и го сруши Далас (ВИДЕО)

Клеј Томпсон долги години беше еден од клучните играчи на Голден Стејт Вориорс, заштитен знак заедно со Стеф Кари и Дрејмонд Грин, но од оваа сезона тој е во нова средина во редовите на Далас Маверикс каде утрово се врати во својот дом, поточно за првпат заигра против доскорешните соиграчи, клубот во кој се промовираше и го вивна во височините кога е во прашање НБА лигата.

An ovation fit for a captain.

Welcome back, Klay Thompson pic.twitter.com/QS1GGDjUKy

— Golden State Warriors (@warriors) November 13, 2024

Во супер интересен меч „воините“ се изборија за триумф над Далас од 120:117. Томпсон се прикажа во одлично светло против Вориорс, реализираше 22 поени со 4 скока и 3 асистенции, меѓутоа шоуто го украде неговиот „брат“ Стеф Кари со 37 поени од кои 12 последни за екипата.

Плејмејекрот беше блиску и до дабл-дабл со оглед на тоа што испорача 9 асистенции, плус собра 6 скока, украде 1 топка и залепи 4 „банани“. Најголема поддршка му беше Куминга со 16 поени, на другата страна прв стрелец беше Дончиќ со 31 поен.

Од НБА Купот вреди да се издвои враќањето на терените не Ембид во дресот на Филаделфија, паузата дефинитивно влијаела врз него и потврда за тоа се само 13 постигнати кошеви во поразот од Њујорк Никс од 111:99.

НБА куп, резултати:
Бостон – Атланта 116:117
Детроит – Мајами 123:121 (прод.)
Орландо – Шарлот 114;89
Филаделфија – Њујорк 99:111
Милвоки – Торонто 99:85
Јута – Феникс 112:120
Голден Стејт – Далас 120:117
Портланд – Минесота 122:108