Томпсон ја одигра најдобрата партија, па порача: Никогаш нема да престанам да шутирам (ВИДЕО)

Екипата на Голден Стејт Вориорс оствари рутинска победа над Детроит Пистонс (102-86), победа во која најдобар беше повратникот на терените Клеј Томпсон со 21 поен.

Ова за Клеј беше најквалитетно издание по кам-бекот по долгата пауза, партија која го радува и која му носи енергија, дополнителна самодовреба за да што поскоро се врати на истото ниво како пред тешките повреди.

-Одлично се забавував, посакувам да погодев уште неколку шутеви, но дефинитивно беше одлично. Не ми е гајле и  дали промашам 100 шута вониза, никогаш нема да престанам да шутирам. Тоа многу го сакам и работев премногу за да престанам.

-Сè уште не сум задоволен. Имав неколку добри ситуации каде што бев краток. Ќе биде подобро на следниот натпревар. Возбуден сум што влијаев на натпреварот. Погодив неколку шутеви, имаше и тешки. Ама човек сум и ако не погодам некои шутеви тоа не може да влијае на моето расположение, -порача Томпсон.