Томас објасни зошто Леброн е најдобриот во историјата: Никогаш немало друг играч како него…

Ајзеа Томас важи за еден од најквалитетнните бекови, плејмејкери во историјата на НБА лигата, ас кој целата своја кариера ја мина во Детроит Пистонс со кои беше дел од „Bad Boys“ ерата во која беа освоени два пехари во 1989 и 1990 година.

Томас иако веќе има 63 години и денеска одвреме навреме е актуелен и тоа со размислувања на интересни теми од кои за него омилената е кој е најдобриот ас на сите времиња.

Познато е дека Ајзеа не е во добри односи со Мајкл Џордан, па го користи секое медиумско појавување да испрати по некој удар, стрела кон легендата на Чикаго Булс. Имено во последното интервју Томас говореше за „GOAT“ дебатата и посочи зошто според него Леброн Џејмс е најголем играч во историјата.

-Мислам дека кога ќе погледнете, како што реков тој е допрен, води во речиси секоја статистичка категорија. Тој го помина Карим по бројот на кошеви. Мислам дека има најмногу поени во плејофот. Не само тоа, кога ќе ја погледнете колоната за асистенции, знам каде стојам на рекордот за асистенција. Мислам дека ме помина; Мислам дека го помина и Меџик.

-Мислам, така што кога зборувате за додавања, голови, скокови, никогаш не сме имале играч во НБА што ја допрел секоја статистичка категорија и води во некои од овие статистички категории за кои зборуваме. Никогаш немало друг играч како него. Сега, секој има свои омилени, ама ако бројките не лажат, бројките не лажат.

-И тој дефинитивно го поминува тестот за очи. Така, за мене, тој е најдобриот што некогаш сум го видел од тимска гледна точка, а исто така и како кошаркар, -вели човекот кој 12 пати беше учесник на Ол-стар натпреварите.