Тодоровски: Моето презиме на дресот на Вардар-привилегија, чест и гордост

Најтрофејниот македонски фудбалски клуб Вардар успешно реши уште една мисија обезбедувајќи го потписот на 22-годишниот Димитар Тодоровски.

Тодоровски е младински репрезентативец на Македонија кој во Вардар дојде од редовите на АП Брера Струмица, односно стана петто засилување за „црвено-црните“ по Мите Цикарски, Михал Пинтер, Георгије Јанкулов и Михаил Маневски.

-Не постои македонски фудбалер чија желба не била да заигра за најголемиот фудбалски клуб во државата. Да го пишува моето презиме на дресот на Вардар е вистинска привилегија, чест и гордост. Одговорноста да се носи овој дрес дополнително додава на тежина. Тоа ми дава дополнителем мотив да ја оправдам довербата која ми ја има дадено овој клуб

-Во следната полусезона очекувам да ја достигнам мојата најдобра форма, а со тоа да придонесам во тимската синергија со цел да завршиме во горната половина од табелата. Освојувањето на Купот на Македонија ни е главен приоритет, -истакна Тодоровски кој не за ги заборави и „Комитите“.

-Вардар не би бил Вардар без своите навивачи – Комитите. Тие се 12 играч на тимот, кој го прави Градски неосвоива тврдина, додека на гостувањата се ветерот во грб кој и тоа како ни значи. На нив можам да им ветам дека ќе дадам максимум за Вардар, -порача фудбалерот од средината на теренот.