Поврзете се со нас

Европски првенства

Тодоров не се откажува од Нено, на клучниот натпревар против Естонците со проверени сили

Објавено

на

blank

Кошаркарската репрезентација на Македонија денеска со почеток од 15:00 часот го игра клучниот натпревар за пласман на Европското првенство против селекцијата на Естонија.

Нашите кошаркари мора да победат на натпреварот во Перм со десет или повеќе поени разлика доколку сакаат да ја анулираат негативата од првиот меѓусебен дуел кој се одигра во Скопје и кој го доби селекцијата на Естонија со 81:72.

На натпреварот против Италија во кој Македонија обезбеди херојска победа повреда забележа најдобриот македонски кошаркар, Ненад Димитријевиќ. Нено мораше да биде изнесен од паркетот, а постоеја стравувања дека тој нема да може да биде подготвен за натпреварот со Естонија.

Стравувањата се уште се присутни, уште не е познато дали Димитријевиќ ќе биде подготвен за настап, но селекторот Александар Тодоров не остава ништо на случајност и го вметна кошаркарот во ростерот за денешната средба.

Тодоров не направи ниту една промена во однос на составот со кој се соочи со Италија и против Естонците ќе игра со тимот кој ги победи „азурите“.

Дамјан Робев, Лука Савичевиќ, Бојан Крстевски, Дамјан Стојановски, Кристијан Николов, Андреј Магдевски, Бојан Трајковски, Теодор Симиќ, Џејкоб Вајли, Војдан Стојановски, Ненад Димитријевиќ и Стојан Ѓуроски.

Реклама
Реклама
Реклама

Популарни