Поврзете се со нас

Репрезентација

Тодоров е минато: Антиќ и Гечевски се одлучија за нов предводник на репрезентацијата

Објавено

на

Врвот во македонската кошарка имаше навистина измешани емоции по турнирот во Перм на кој само поради поен количникот не обезбедивме пласман на Европското првенство, но ниту добрата слика и напредокот не се покажаа доволни Александар Тодоров да ја задржи својата функција.

Македонската репрезентација и официјално ќе добие нов селектор на 19-ти април, нешто што беше соопштено од страна на Федерацијата која во изминатиот период чекаше извештај од Тодоров за сработеното, а истовремено бараше и негова алтернатива.

Во недостиг на конкретни информации во изминатиот период, ова попладне пристигна вест за назначување на нов селектор во понеделник, што значи дека претседателот Перо Антиќ и директорот Тодор Гечевски донеле конечна одлука.

– Кошаркарската федерација ве повикува на прес-конференција која ќе се реализира на 19. април (понеделник), со почеток во 12:00 часот, на терасата на хотелот „Солун-СПА Супериор“ (улица „Никола Вапцаров“ број 10) во Скопје.

– На прес-конференцијата ќе биде претставен новиот селектор на машката сениорска репрезентација, – гласи објавата на КФСМ.

Од тоа што се шпекулира во кошаркарските кулоари, Драган Гајиќ е изборот на Перо Антиќ и Тодор Гечевски, тренерот кој оваа сезона е најпријатно изнендување со Игокоеа во регионалната АБА лига.

Реклама
Реклама
Реклама

Популарни