Титулата во Мадрид донесе нов голем скок за Ивановски на АТП листата

Секој старт на новата седмица носи нова ранг листа на АТП листата, а најновата која е објавена овој понделник ни носи нов голем напредок на нашиот најдобар тенисер.

Младиот Калин Ивановски влезе во импресивна серија на резултати и го освои третиот турнир во кариерата во краток временски интервал, а најновиот успех во Мадрид направи да има скок од 17 места.

Ивановски вчера славеше во шпанската престолнина и го освои третиот трофеј во кратката професионална кариера, која оди во се подобар правец за талентираниот Македонец.

Скокот од 17 места на АТП листата значи дека Ивановски сега е на 610-то место на светското рангирање, а ако продолжи со ова темпо, доста брзо ќе влезе и во топ 500.

Кога е во прашање тениската елита, во ситуација кога нема големи турнири, состојбата на АТП листата останува иста, па така Карлос Алкарас е на првата позиција пред Рафаел Надал, Каспер Руд, Стефанос Циципас и Новак Ѓоковиќ.